Bi armanca şermezarkirina dorpêça li ser taxên Şêx Meqsûd û Eşerefiyê yên Helebê, Kombenda Efrîn a Civakî meşek girseyî li bajarê Qamîşlî, organîze kir.
Meş bi beşdariya bi sedan koçberên Efrîn û Şahbayê ji pêşiya Stada 12’ê Adarê dest pê kir û li ber Navenda Çand û Hunerê ya Mihemed Şêxo veguherî mîtînigê .
li wê deverê ji aliyê Kombenda Efrîn a Civakî ve daxuyaniyek bi zimanê Kurdî û Erebî ji bo şermezarkirina dorpêça li ser taxên Şêx Meqsûd û Eşerefiyê yên Helebê hat xwendin.
Di daxuyaniyê dedorpêç û êrîşên berdewam ên li ser taxên Şêx Meqsûd û Eşrefiyê yên Helebê şermezar kirin, û daxwaza bidawîanîna dorpêçê û garantîkirina gihîştina pêdiviyên bingehîn û sotemeniyê hat kirin.
Her wiha tekezî li ser vegera ewle û bi rûmet a xelkê Efrîn bo malên xwe û bidawîbûna binpêkirinên berdewam hat kirin.
