Endamên Komîteya Koçberên Serêkaniyê yên Hesekê di salvegera 5’emîn a destpêkirina êrîşên li ser Serêkaniyê û Girê Spî de behsa kêliyên êrîşan kirin û gotin, civaka navnetewî berpirsê êrîş û sûcên dewleta Tirk a dagirker e.
îroj salvegera 5’emîn a destpêkirina êrîşên dewleta Tirk a dagirker û çeteyên wê yên li dijî Serêkaniyê û Girê Spî ye.
Dagirkeran di êrîşên xwe yên bê ser û ber de, tevahî cûre, çekên giran û yên qedexekirî li dijî welatiyên Serêkaniyê û Girê Spî bi kar anî.
Endamên Komîteya Koçberên Serêkaniyê yên bajarê hesekê behsa êrîşên li ser serêkaniyê û girê spî kirin û gotin ew ê her tim bi hêviya vegera li cih û warê xwe bin.
Endamên Komîteyê bêdengiya navneteweyî ya li hember sûcên tirkiyê û çeteyên wê şermezar kirin û banga bi dawîkirina dagirkeriyê kirin.
Piştî berxwedaneke bêhempa ya gel şervanan li Serêkaniyê û Girê Spî, dewleta Tirk û çeteyên wê her du bajar dagir kirin û bi sedhezaran xelkên wê bi darê zorê koçber kirin.
