Desteya Ciwan û Werzîşê civînek ji xwendekarên zanîngeha Rojava re li dar xist û li astengiyên wan guhdar kir.
Xwendekaran gotin, ew rastî pirsgirêka çûnûhatinê tên û daxwaza çareserkirinê kirin.
Desteya Ciwan û Werzîşê ji bo nîqaşkirina astengiyên ku xwendekarên zanîngeha Rojava pê re rû bi rû dimînin, civînek saz kir.
Civîn bi beşdariya xwendekar, malbatên wan û rêveberiya desteya ciwan û werzîşê li navenda PYD’ê ya bajarê Amûdê hate lidarxistin.
Di civînê de rewşa xwendinê hate nîqaşkirin. Her wiha li daxwazên xwendekaran jî hate guhdarkirin.
Xwendekaran û malbatên wan jî, pirsgirêkên xwe anîn ser ziman û daxwaza çareserkirinê kirin.
Li herêma Bakur û Rojhilatê Sûriyê 3 zanîngehên girêdayî Rêveberiya Xweser hene û hemahengiya zanîngehan bi barê dabînkirina pêdiviyên wan radibe. Piştî vê civînê dê çareseriyek bo van xwendekaran jî were dîtin.
