Dayîkên şehîdan ên bajarê Kobanê derbarê pêvajoya aştiyê de axivîn û diyar kirin ku, divê dewleta Tirk destpêkê Rêber APO azad bike û guhertinên yasayî pêk bîne.
Banga Aştî û civaka demokratîk ya Rêber APO ji destpêkê ve û heta niha rastî pêşwaziyeke germ ya civakê tê.
Lê li aliyekî din civaka Kurd ji helwesta desthilata Tirkiyê ne razî ne û daxwaza gavavêtinan dikin.
Dayîkên şehîdan yên bajarê Kobanê di vê derbarê de nêrînên xwe anîn ser ziman.
Dayîkên şehîdan diyar kirin ku, divê dewleta Tirk destpêkê Rêber APO azad bike û guhertinên yasayî pêk bîne.
Komîsyona çareseriyê ya li parlamentoya Tirkiyê ji bo amadekirina zemînê guhertinan, civînan li dar dixe û guh dide alî û beşên cuda cuda yên civakê.
