civîna nîvê salê ya koordînasyona jinana rêveberiya xweser a bakur û rojhilatê sûriyê bi encamnameyekê bi dawî bû.
tê de armanca yekkirina nêrîn, kedên jinan û beşdarbûna wan di tevahî biryarên Rêveberiya Xweser asas hat girtin.
Koordînasyona Jinan a rêveberiya xweser a Bakur û Rojhilatê Sûriyê civîna xwe ya nîvê salê lidarxist.
di civînê de serokên desteyan ên komîteyên jinan ên 7 kantonan rapor xwendin, rewş û astengiyên li hember her komîteyekê, rexne û rexnedayîn hatin kirin û şîrovekirin.
Dûre rewşa jinan li Herêma Bakur û Rojhilatê Sûriyê, rewşa rêxistinî hatin nîqaşkirin.
Civîn bi gelek encamnameyan bi dawî bû, ji giringtirîn encamnameyan jî Bi armanca yekkirina nêrîn, kedên jinan û beşdarbûna wan di tevahî biryarên Rêveberiya Xweser de divê têkilî bi jinan re bê danîn.
Atolya ji bo xurtkirina siyasî, rêveberî û aborî ya jinan bên lidarxistin, Panel û semînerên fikrî ji bo xurtkirin û piştgiriya rola jinan di biryardayînê û cihên rêveberiyê de bên lidarxistin.
Xebitîna li ser têkoşîna diyardeya hişbirê di nava ciwanan û civakê de, Avakirina komîteyên taybet bi amadekirina serjimarî û lêkolînên girêdayî tundiya li dijî jinan û diyardeyên civakî yên neyênî (koçberî, fihûş, zewaca temena biçûk, kuştin û bazirganiya bi jinan).
Temamkirina rêzeçalakiyên hemleya belavkirin û pêkanîna qanûna malbatê di nava tevahî kantonan de.
Xurtkirina rola têkiliyên dîplomasî ya jinan bi rêya vekirina korîdoran bi tevahî rêxistin û komeleyên jinan li ser asta xwecihî, herêmî û navneteweyî.
Piştgirî û pêşxistina navendên perwerdekirin, parastina jinan û xebitîna li ser vekirina navendan li kantonan.
