Desteya rêveberiyên xwecihî û jîngehê ya herêma Cizîrê doh bi daxuyaniyeke çapemaniyê destpêkirina pirojeya kişandina avê ji gundewarên navçeya Amûdê ji bo bajarê Hesekê ragihand.
Daxuyanî ji aliyê hevserokê Desteya Rêveberiyên Xwecihî û Jîngehê ya herêma Cizîrê Silêman Ereb ve hate xwendin û hat gotin: “Ji dema dewleta Tirk a dagirker û çeteyên wê Serê Kaniyê di sala 2019’an de dagir kirine ava stasyona Elok li ser bajarê Hesekê Qut kirine”.
Piroje dê li ser çar pêvajoyan were pêkanîn:
Pêvajoya yekem: “Dê 20 bîr bi kûrahiya 500 Metre, bi hêza 150 Metre Kap ya defişandina avê werin kolandin”.
Pêvajoya duyem: “Çêkirina stasyoneke pompeyî ku 6 pompên çikane bi defişandina 750 Metre kab, asansorek bilindkirina avê bi dirêjahiya 80 metre û hawizekî berhevkirina avê bi hêza 5000 Metre kab dihewîne.
Pêvajoya sêyem: bi hêza 2 Mêga dê kehrebe ji stasyona Amûdê ji bo pirojeyê were kişandin.
Pêvajoya çaremîn: “Dê bi dirêjahiya 62 KM û qalindiya 800 MM boriyên avê ji bo Hesekê were kişandin.
Li gor Silêman Ereb, lêçûna pirojeyê 18 Milyon Dolar e.
BI LÊÇÛNA 18 MILYON DOLAR RÊVEBERIYA XWESER DEST BI PIROJEYA KIŞANDINA AVÊ JI BO HESEKÊ DIKE
