Bi hezaran ji pêkhateyên herêma Cizîrê 11 şehîdên komkujiya Dêrikê îro li Goristana Şehîd Xebat Dêrik ya li herêma Dêrîkê sipartin axê.
Girseya gel û nunerên rêveberiya xweser darbestên şehîdan ji Nexweşxaneya gel ya Dêrikê birin gorsitanê.
Di merasîmê li ser navê Kongra Star, Meclisa Malbatên Şehîdan û encûmena cîbicîkar axaftin kirin.
Di axaftinan de êrîşên dewleta tirk hatin şermezar kirin û soza tolhidana xwîna şehîdan hate dayîn.
Navên şehîdên wiha ne; nûçegihanê ajansa hawarê Îsam Ebdullah, Hisên Elî, Çîçek Harûnî, Hîlal Qasim, Hediye Ebdullah, Ubêd Xalid, Mehmûd Elî, Fayîz Ebdullah, Nûrî Çiftcî, Hisên Xilto û Mazin Osê.
Tê zanîn ku Ev 11 şehîd di Encama êrîşên balefirên dewleta tirk yên 19 Mijdarê li ser herêma Dêrîkê de şehîd bûbûn.
