ŞEHÎD HAKÎ KARER LI ŞEHBAYÊ HATE BIBÎRANÎN

Ji pêşengên Tevgera Rizgariya Kurdistanê şehîd Hakî Karer li Şehbayê bi merasîmekê hat bibîranîn.

Ji pêşengên Tevgera Rizgariya Kurdistanê Hakî Kerar 18’ê Gulana 1978’an de şehîd bûye.

Bi boneya nêzîkbûna salvegera şehadeta Hakî Karer, Meclisa Jinan a Meclisa Malbatên Şehîdan a Kantona Efrîn-Şehbayê merasîma bîranînê li hola Kampa Serdemê ya li bajarokê Ehdasê yê Şehbayê li dar xist.

Wêneyên şehîd Hakî Karer û şehîdên têkoşîna azadiyê li holê hatin daliqandin.

Di merasîmê de ji rêveberên Meclisa Jinan a Meclisa Malbatên Şehîdan Xedîce Îbo axivî û di kesayeta şehîd Hakî Kerar de tevahî şehîdên azadiyê bi bîr anîn.