BELGEFÎLMA JINWAR LI BAJARÊ QAMIŞLO HATE PÊŞANDAN

Li navenda çand û hunera Mihemed Şêxo ya bajarê Qamişlo belgefîlma gundê Jinwar hate pêşandan.

Belgefîlma ku bi derhêneriya Komîna Fîlm a Rojava hatiye amadekirin, dîroka gundê Jinwar, hevkarî û hevbeşiya jinan û çanda resen a civaka xwezayî radixe ber çavan.

Şêniyên bajarê Qamişlo pêl bi pêl berê xwe dan navenda çand û hunera Mihemed Şêxo û bi baldarî temaşeyî Belgefîlma Jinwar kirin.

Belgefîlma ku bi derhêneriya Komîna Fîlm a Rojava hatiye amadekirin, dîroka gundê Jinwar, hevkarî û hevbeşiya jinan û çanda resen a civaka xwezayî radixe ber çavan û li bîra temaşevanan tîne.

Belgefîlm ji 40 deqeyan pêk tê û kêşana wê ji 10’ê Adara 2017’an ve, anku ji dema avakirina gundê Jinwar ve dest pê kiriye.

Gundê Jinwar li bajarê Dirbêsiyê ye û weke yekemîn gundê jinan li ser asta Rojhilata Navîn e.

Belgefîlma gundê Jinwar ku amadekirina wê derdora 7 salan ajot, bala temaşevanan jî kêşa ser xwe û pê re serwextî rewş û jiyana li gund bûn.

Beriya niha ev belgefîlm di Festîvala Fîlmên Kurdî ya li bajarê Düsseldorf ê Almanyayê de hatibû pêşandan û biryar e niha bi rêzê li seranserî Rojavayê Kurdistanê were nimayîşkirin.