ŞÊNIYÊN KOBANÊ CENAZEYÊ ŞERVANA HRE’YÊ ŞEHÎD ÇÎÇEK KOBANÊ OXIR KIRIN

Şêniyên kantona Firatê bi merasîmeke girseyî cenazeyê Şehîd Çîçek Kobanê li Pakrewangeha Şehîd Dicle ya Kobanê oxir kirin.
Şervana Hêzên Rizgariya Efrînê Çîçek Kobanê tevî 4 hevrêyên xwe, di çalakiya 30’ê Çileya 2024’an a li gundê Basilê yê Efrînê de, şehîd bûn.
Îro bi sedan şêniyên kantona Firatê cenazeyê şehîd Çîçek Kobanê li pêşiya morga şehîdan wergirtin û ber bi pakrewangeha şehîd Dijle ve ketin rê.
Di merasîmê de axaftin li ser navên Yekitiya Jinên Ciwan û malbata şehîd Çîçek hate kirin.
Axêveran gotin, bi saya çalakiyên lehengane yên şervanên Hêzên Rizgariya Efrînê, dê Efrîn were rizgarkirin.
Her wiha soza şopandina rêya şehîdan dan.
Piştre Cenazeyê şehîd bi dirûşmên dilsoziya bi şehîdan re hat veşartin.