JINAN LI QAMIŞLO BIRYARA NAVNETEWEYÎ YA 2254 NÎQAŞ KIRIN

Meclisa Jinên Sûrî bi semînerekê biryara 2254 ya Encumena Ewlekariya Navdewletî ya têkildarî aloziya Sûriyê, li bajarê Qamişlo nîqaş kir. Endamên meclîsê, jinên serbixwe, nûnerên yekîtî û tevgerên jinan beşdarî semînerê bûn.

Di semînerê de bendên biryara navneteweyî ya 2254 hatin xwendin û şîrovekirin.

Her wiha nîqaş li ser giringî û çawaniya cîbicîkirina xalên wê di pratîkê de hatin kirin.

Paşê sinevizyonek jî li ser biryarê hate pêşandan.

Beşdarên civînê jî nêrînên xwe bi parve kirin û hêvî kirin ku aştî û aramî li her deverê serwer bibe.

Encumena Ewlekariya Navdewletî ya Neteweyên Yekbûyî sala 2015’an ji bo çareserkirina aloziya Sûriyê biryara hejmar 2254 derxist.