LI QAMIŞLO PERGALA NÛ YA YEKÎTIYA ŞAREDARIYÊN DEMOKRATÎK HAT NÎQAŞKIRIN
Desteya Rêveberiyên Xwecihî bi civînekê sîstema nû ya Yekîtiya Şaredariyên Demokratîk li bajarê Qamişlo nîqaş kir.
Hevserokên şaredarî û rêvebirîyên Cizîrê, nûnerên saziyên Rêveberiya Xweser û partiyên siyasî beşdarî civînê bûn.
Di civînê de karûxebatên şaredariyan hatin nirxandin. Her wiha zagona hilbijartinên şaredariyan jî hat xwendin.
Piştre sîstema nû ya yekîtiya şaredariyên demokratîk û çawaniya cîbicîkirina wê hatin nîqaşkirin.
Şêwirmenda şaredariyên Bakur û Rojhilatê Sûriyê Zeyneb Mûrad jî axivî û geşedanên dawiyê nirxandin.
Di dawiyê de xelat li hejmarek hevserokan hate belavkirin.