RÊXISTINA PÊL LI BAJARÊ QAMIŞLO PANELA XWE BI NIRXANDINA MIJARÊN GIRÎNG BI DAWÎ KIR
Îro rêxistina Pêl bi hevkariya hin rêxistinên din li bajarê qamişlo, komxebata xwe ya 7emîn a ciwanan di roja duyem de bi nirxandina mijarên girîng bi dawî kir.
Berpirsê têkiliyên rêxistina pêl Heysem Hiskî got ku armanca wan bihêzkirin û perwerdekirina ciwanan di nava civakê de ye.
Rêxistina Pêl bi Rêxistina Tedmirto, Êla û Emal re komxebata xwe ya 7emîn bi amedebûna 150 keç û xortan ji pêkhateyên cuda, di roja duyem de li hola zane ya bajarê qamişlo bi dawî kir.
Di roja yekem a panelê de mijara Pirengiya netewî, ziman û olî li herêmê, parastina pirrengiyan bi awayekî yasayî, rêyên kûrkirina hemahengî û peywendiyê û mekanîzmeya pêşdebirinê hate nîqaşkirin.
Di roja duyem û ya dawî de mijara çawaniya rawestandina axaftina kînî, pêşvebirina aştî û hevgirtina civakî, her wiha pêşdebirina mafên koçberan û kesên xwedî pêdiviyên taybet hate nîqaş kirin.
ji bo veguhestina nêrîn û ramanan, her wiha peydakirina bersivên mijarên ku hatin nirxandin, nîqaş di navbera beşdarên panelê de hate kirin.
Armanca van Rêxistinan ji lidarxistina panelan bihêzkirina ciwanan û perwerdekirina wan e. Her sal di panelê de nêzî 150 ciwan û jinên ciwan ji herêmên bakur û rojhilatê sûriyê beşdar dibin.