Rêxistina sara ya têkoşîna li dijî Tundiya li ser jinan li Kobanê,Şehba û Helebê cezayê darvekirina çalakvanên jin li Îranê şermezar kirin .
Her wiha piştgiriya xwe bi têkoşîna jinan ya li dijî pergala zordest li Îranê nîşan da .
Hêzên Îranê ji bo têkbirina serhildana Jin Jiyan Azadî, bi berdewamî çalakvanên jin û xwepêşandêrên serhildanê digre.
Herî dawiyê Îranê cezayên darvekirinê li 2 çalakvanên jin yên Kurd Şerîfe Muhemmedî û Pexşan Ezîzî birî.
Ev yek rastî bertekên tund ji aliyê Gelê Kurd li seranserî cîhanê te .
Rêxistina sara ya têkoşîna li dijî Tundiya li ser jinan bi daxuyaniyekê cezayên darvekirinê şermezar kir .
Rêxistinê di daxuyaniya xwe de tekez kir ku kiryarên îran israra jinan ya li ser têkoşîn û berxwedanê zêdetir dike.
rêxistinê bang li rêxistinên mirovî kir ku siyasetên çewisandinê yên îranê rawestînin.
Her wiha rêxistina sara ya Şehbayê jî bi daxuyaniyekê piştgiriya xwe bi têkoşîna jinan ya li dijî pergala zordest li Îranê nîşan da .
Rêxistinê di daxuyaniya xwe de diyar kir ku kiryarên Îranê ên derheqê çalakvanên jin de li dijî pîvanên mirovî ne .
Rêxistinê bang li tevahî kurdistaniyan kir ku piştgiriyê bidin çalakvanên rojhilatê kurdistan û îranê.
Rûxistina sara ya Helebê jî bang li aliyên têkildar kir ku mudaxeleyê bikin û dawî li kiryarên Îranê bînin .
Rêxistinê diyar kir ku cezayê darvekirina çalakvanên jin li îranê li dijî pîvanên mirovahiyê ye .
Her wiha rêxistinû anî ziman Îranê ku xwe weke dewleteke misilman diwesifîne, bi heqaretî nêzî jinan dibe .
