NERAZÎBÛNÊN LI HEMBERÎ RADESTKIRINA GERÎLA HARÛN ELBAK BERDEWAM IN

Rêveberên ji bajarê Kobanê radestkirina gerîlayê HPG’ê Harûn Elbak ji bo dewleta Tirk şermezar dikin û dibêjin, xîyanet; têkçûn, bindestî û koletî ye.

Her wiha bang li gel dikin ku nekevin xefkên dewleta Tirk a dagirker û xwedî li parêzvanên xwe derkevin.

Karvedan û nerazîbûnên li dijî radestkirina gerîlayê HPG’ê Harûn Elbak her ku diçin zêdetir dibin û bûyer bi tundî tê şermezarkirin.

Hêzên Parastina Gel HPG’ê jî li ser mijarê ragihandibû ku ew ê bi rengî herî xurt hesab ji xîyanetkaran bixwazin û bang li gel kiribû ku kiryarên weha nepejirînin.

Hevserokê Encumena Kantona Kobanê Mistefa Îto dibêje, xîyanet bindestî û têkçûn e û bang li gel dike ku nekevin xefkên dijmin.

 

MISTEFA ÎTO- HEVSEROKÊ ENCUMENA KANTONA KOBANÊ

MISTEFA ÎTO: XÎYANET; BINDESTÎ, KOLETÎ Û TÊKÇÛNA HERÎ MEZIN E

Ji hêla xwe ve seroka Partiya Sûriya Pêşerojê ya Kobanê Şivîn Qul Exasî dibêje, dewleta Tirk dixwaze van bûyeran li gorî berjewendiyên xwe bi kar bîne.

 

ŞIVÎN QUL EXASÎ- SEROKA PARTIYA SÛRIYA PÊŞEROJÊ YA KOBANÊ

ŞIVÎN QUL EXASÎ: PÊWÎST E GEL LI HEMBERÎ XEFKÊN DEWLETA TIRK BI HIŞYARÎ TEVBIGERE

Adara derbasbûyî gerîla Harûn Elbak dema ku ji koma hevalên xwe diqete û bi tenê serê xwe li çiyan dimîne, biryarê dide ku dakeve deştê û pêdiviyên xwe pêk bîne, lê li gundekî Hezaxa Şirnexa Bakurê Kurdistanê bi destê xayînan tê girtin û radestî dewleta Tirk tê kirin.