Rojnamevanê rêya heqîqetê Şehîd Egîd Roj îro di çilrojiya şehadeta xwe de li ser gora xwe hat bibîranîn.
Rojnamevan Egîd Roj ku li Bendava Tişrînê dema ku berxwedan, serkeftin û israra gel dişopand, di êrişeke xedar a dewleta Tirk a dagirker de şehîd bû.
Şehîd Egîd Roj di çilrojiya şehadeta xwe de li goristana Şehîd Dijwar a li Hesekê hat bibîranîn.
Malbata şehîd, bi dehan rojnamevan û endamên saziyên sivîl beşdarî merasîmê bîranînê bûn.
Beşdaran bi hilgirtina wêneyên şehîd Egîd Roj û bi berzkirina dirûşmên “Şehîd namirin” serdana gora şehîd kir.
Li wir piştî deqeya rêzgirtin, li ser navê Yekitiya Ragihandina Azad (YRA), Navenda Ragihandinê ya YPJ’ê, heval û malbata Şehîd axaftrin hatin kirin.
Di axaftinan de soza şopandina xeta şehîd Egîd Roj hat dayîn û hat gotin ku, dê pênûs û kamîreya Şehîd Egîd ku her dem heqîqet radigihand berdewam bike.
