Şehîdê Hêzên Erka Xweparastinê Maşûq Serbaz Mihemed bi merasîmekê li Pakrewangeha Şehîd Delîl Saroxan a li Qamişloyê hat oxirkirin.
Şêniyên bajar û gundewarên Qamişloyê beşdarî merasîmê oxirkirina şehîd Maşûq bûn.
Di merasîmê de li ser navên Meclisa Malbatên Şehîdan û Meclisa Leşkerî ya bajarê Qamişlo axaftin hatin kirin û sersaxî ji malbata şehîd re hate xwestin.
Axêveran gotin, dewleta Tirk a dagirker bi hemû hêza xwe hewl dide projeya me têk bibe. Lê bi hezaran şervanên mîna şehîd Maşûq ji bo parastina herêmê û têkbirina van hewldanan têkoşînê dikin.
Piştî axaftinan wesîqeya şehadetê ya şehîd hat xwendin û radestî malbata wî hat kirin.
Cenazeyê şehîd bi tilîliyên dayikan û dirûşmên “Şehîd namirin” hat veşartin.
