Şêniyên bajarê Qamişlo îro bi merasîmeke girseyî cenazeyê şehîd Dijwar Qidûrbek li goristana şehîd Delîl Saroxan oxir kirin.
Bi sedan şêniyên bajêr, sazî û dezgehên Rêveberiya Xweser û hogirên şehîd tevlî merasîmê bûn.
Di merasîmê de piştî deqeyeke rêzgirtin axaftin ji aliyê Meclisa Malbatên Şehîdan û hêzên Leşkerî ya Qamişlo ve hate kirin.
Axêveran sersaxî ji malbata şehîd re xwestin û diyar kirin ku dewleta Tirk a dagirker çiqas êrîşên xwe li dijî herêmê zêde bike jî, ew tu carî dest ji xeta şehîdan bernadin.
Piştî axaftinan, nasnameya şehîd hate xwendin û radestî malbatê hate kirin.
Cenazeyê şehîd di nava tilîliyên dayikan û diruşmeyên ” Şehîd Namirin ” de hat veşartin.
