Şêniyên kantona Efrîn û Şehbayê cenazeyê rêvebera Tevgera Ciwanên Şoreşger a Sûriyeyê şehîd Ronahî Amanos bi merasîmeke girseyî oxir kirin.
Şêniyan cenazeyê rêvebera Tevgera Ciwanên Şoreşger a Sûriyeyê Ronahî Amanos li Pakrewangeha Şehîd Zozan Amanos a li bajarokê Fafînê yê Şehbayê spartin axê.
Di merasîmê de endama Meclisa Malbatên Şehîdan a kantona Efrîn û Şehbayê Menal Şêxo sersaxî da malbata şehîd û got: “Şehîd Ronahî ji malbateke welatparêz û şagirta Rêber Abdullah Ocalan bû.
Her wiha Endama Tevgera Ciwanên Şoreşger a Sûriyeyê Nadiye Yûsif jî da zanîn ku: “Bi rihê şehîd Ronahî em tevahî şehîdên azadiyê bi bîr tînin û soza şopandina rêya wan heta pêkanîna azadiya fîzîkî ya Rêber Abdullah Ocalan nû dikin.”
Di dawiya merasîmê de wesîqeya şehadetê ya şehîd Ronahî Amanos radestî malbatê hate kirin û cenazeyê şehîd bi tilîliyên dayikan û siloganên “Şehîd Namirin” hat oxirkirin.
