Partiya Yekîtiya Demokratîk PYD’ê îro li bajarê qamişlo civînek li ser rewşa siyasî ya ku herêm tê de derbas dibe li dar xist.
Di civînê de geşedanên siyasî yên dawiyê û rewşa Rêber APO hatin nîqaşkirin û tekezî li ser mezinkirina asta têkoşîn û berxwedaniyê hate kirin.
Partiya Yekîtiya Demokratîk PYD’ê ji bo nîqaşkirina rewşa siyasî û geşedanên dawiyê, civînek li bajarê Qamişlo li dar xist.
Civîn bi beşdariya bi sedan endamên sazî û dezgehên rêveberiya xweser, meclisa malbatên şehîdan û xelkê bajarê qamişlo hate lidarxistin.
Di civînê de her du xalên sereke yên weke êrîşên dewleta Tirk ên li dijî herêmê û rewşa Rêber APO hatin nîqaşkirin.
Hevseroka Partiya Yekîtiya Demokratîk ya Qamişlo Menîca Heyder ji Rojava Tv re behsa rewşa ku herêma bakur û rojhilatê suriyê tê re derbas dibe û giringiya lidarxistina vê civînê kir.
Her wiha Endamê Partiya Yekîtiya Demokrtîk Mihemed Xêr Elîka diyar kir ku dewleta tirk a dagirker û sîxûrên wê naxwazin aramî li herêmê pêk were.
Civîn bi nîqaş û pêşniyaran bi dawî bû û tê de tekezî li ser xurtkirina asta têkoşînê û rêgirtina li hember êrîşên dewleta tirk a dagirker hate kirin.
