Desteya Edaleta Civakî ya Rêveberiya Xweseriya Demokratîk a Herêma Bakur û Rojhilatê Sûriyê di çarçoveya pêkanîna biryara efûyê ya Rêveberiya Xweser de, beşa yekemîn ji girtiyên li girtîgeha Xiwêranê berda.
Rêveberiya Xweseriya Demokratîk a Herêma Bakur û Rojhilatê Sûriyê di 17’ê Tîrmeha 2024ˊan de biryara efûyê da, Ew biryar di civîna sê alî ya QSD, MSD û Rêveberiya Xweseriya Demokratîk de hat dayîn.
Li gorî biryara efûyê, Desteya Edaleta Civakî ya Rêveberiya Xweser beşa yekemîn ji girtiyên girtîgeha Xiwêranê ya Hesekê ku efû wan digire nava xwe berda.
Bi dehan malbatên girtiyan, gelek rûspî û şêxên herêmê li pêş girtîgehê kom bûn ku xizmên xwe pêşwaz bikin.
hevserokê Meclisa Sûriya Demokratîk MSD Mehmûd El Mislit jî beşdar bûn û destpêkirina berdana girtiyan ragihand, her wiha hêvî kir ku ew kesên hatine berdan bibin beşek ji civakê.
Serbestberdana girtiyên qanûna efûyê di nava xwe de dihewîne, dê beşî be. Ew jî piştî Desteya Edaleta Civakî û rêveberiya girtîgehê tedbîrên guncaw pêk bînin.
