Derbarê dûrxistina herêma bakur û rojhilatê sûriyê û parêzgeha siwêda ji hilbijartinên Meclisa Gel, Endamên Partiyên siyasî yên li herêmê nêrîn û nirxandinên xwe parve kirin.
Endamên partiyan diyar kirin ku ev hilbijartin ne birêxistinkirî ne û nûnertiya Sûriyê bi tevahî pêkhateyên wê ve nake.
Hikumeta Veguhêz a Sûriyê bêyî beşdariya welatiyên Herêma Bakur û Rojhilatê Sûriyê û Siwêdayê amadekariyên lidarxistina hilbijartinên Meclîsa Gel dike.
Bi vê yekê wê deng û nêrîna zêdetirî 6 milyon welatiyên sûrî bê paşguhkirin.
Derbarê vê mijarê de Endamên Partiyên siyasî yên li herêmê nêrîn û nirxandinên xwe parve kirin.
Endama Têkiliyên Partiya Kesk a Demokratîk Şêrîn Dawûd Ebas diyar kir ku ev hilbijartin ne birêxistinkirî ne û nûnertiya Sûriyê bi tevahî pêkhateyên wê nake.
Li aliyekî din jî Endamê Ofîsa Siyasî ya Partiya Çep a Kurd li Sûriyê Mihemed Salih Ebdo nerazîbûna xwe ya ji bo van hilbijartinan anî ziman û got, em bang li hemû aliyan dikin ku tevlî van hilbijartinan nebin.
Li gorî hikûmeta veguhêz a Sûriyê dê hilbijartin di navbera 15- 20’ê îlonê de werin lidarxistin. Rêveberiya Xweser duh bi daxuyaniyekê ragihandibû hilbijartin dûrî demokrasiyê ne û ew encamên wê qebûl nakin.
