ŞÊNIYÊN AMÛDÊ LI DIJÎ ÊRÎŞAN DEST BI ÇALAKIYA KONVEDANÊ KIRINE
Ji bo şermezarkirina êrîşên dewleta Tirk ên li dijî herêmê, li navçeya Amûdê çalakiyeke konvedanê hat destpêkirin.
Encumena gel a navçeya Amûdê konê çalakiyê li milê rojhilatê navçeyê vedaye û ji duh ve xelkên navçeyê qefle bi qefle berê xwe didin bin kon û nerazîbûna xwe ya li hemberî êrîşan nîşan didin.
Di çalakiyê de axaftin hatin kirin û hate gotin ku dewleta Tirk dixwaze porjeya Rêveberiya Xweser têk bibe û gelê herêmê qir bike.
Her wiha hate piştrastkirin ku dê gel heya dawiyê li ber xwe bide û piştevaniya Rêveberiya Xweser bike.
Li gorî komîteya amadekar dê çalakî heta 4 rojan dewam bike.