Bi dehan şêniyên Qamişlo li dijî bilindbûna bihayên elektrîkê, qutbûna elektrîkê û xirabûna şert û mercên jiyanê xwepêşandan kirin. Şêniyan daxwaza çareserkirina pirsgirêkan kir.
Îro, bi dehan şêniyên Qamişlo li Qada Şehîd Rûbar kom bûn û li dijî bilindbûna bihayên elektrîkê, qutbûna elektrîkê û xirabûna şert û mercên jiyanê xwepêşandan kirin.
Xwepêşanderan pankartên ku daxwaza xizmetên bingehîn û kêmkirina bihayên xwarin û sotemeniyê dikirin hilgirtin.
Xwepêşanderan diyar kir ku rewşa jiyanê ya heyî “xerab e” û rasterast bandorê li jiyana malbatan dike.
Piştre xwepêşander ber bi bazarê ve meşiyan.
Xwepêşanderan diyar kirin ku xwepêşandanên wan heta ku daxwazên wan werin bicîhanîn dê berdewam bikin.
