Bi sedan xelkên Kantona Qamişlo îro bi merasîmekê cenazeyê Şervanê Hêzên Komandos Ebdulqadir Îbrahîm oxir kirin.
Şervanê Hêzên Komandos ên girêdayî QSD’ê Ebdulqadir Îbrahîm 9′ê Kanûnê li Dêrazorê şehîd bû.
Cenazeyê Şehîd Ebdulqadir îro li goristana Şehîd Delîl Saroxan hat veşartin.
Girseya gel, cenazeyê şehîd ji taxa Enteriyê wergirt û bi dirûşmên dilsoziya bi şehîdan re ber bi goristanê ve bi rê ket.
Di merasîma oxirkirinê de, sersaxî ji malbata Şehîd re hat xwestin û soza şopandina rêya Şehîdan û parastina destkeftiyên şoreşê hat dayîn.
Paşê wesîqeya şehîd hat xwendin û radestî malbata wî hat kirin. Her wiha Cenazeyê şehîd bi tilîliyên dayikan û dirûşmeyan hat veşartin.
XELKÊN QAMIŞLO CENAZEYÊ ŞEHÎD EBDULQADIR ÎBRAHÎM OXIR KIRIN
