XELKÊN QAMIŞLO JI BO AZADIYA FÎZÎKÎ YA RÊBER APO MEŞEK LI DAR XISTIN

Xelkên Qamişlo di çarçoveya pêngava cîhanî ya ji bo Azadiya Rêber APO û berxwedana greva birçîbûnê ya girtiyên siyasî de, daketin qadan.
Bi hezaran xelkên Qamişlo, endamên saziyên sivîl, meclis, komîn, Kongra Star, Tevgera Ciwanên Şoreşger û Yekitiya Jinên Ciwan tev li meşê bûn.
Meşê ji Çerxerêya Şehîd Azad dest pê kir û li Çerxerêya Şehîd Rûbar Qamişlo veguherî mîtîngê.
Di mîtîngê de axaftin ji aliyê MSD û Kongra Star ve hate kirin û hate gotin ew ê li hemberî tecrîda li ser Rêber APO têkoşîneke xurt bimeşînin.
Di dawiya meşê de dirûşmeyên silavkirina berxwedana Rêber Abdullah Ocalan hatin berzkirin.