-LI EYN ÎSAYÊ PÊNGAVA 15’Ê TEBAXÊ BI ŞAHIYEKÊ HATE PÎROZKIRIN

Tevgera Ciwanên şoreşger bi boneya 38’emîn salvegera pêngava 15’ê tebaxê şahiyek li navçeya Eyn Îsayê li dar xist.

Bi sedan welatiyên navçeyê, endamên tevegera ciwanên şoreşger, nûnerên rêveberiya xweser û partiyên siyasî beşdarî şahiyê bûn.

Qada şahiyê bi wêneyên şehîdan û alayên kes, sor û zer hatin xemilandin.

Komên mûzîk, govend û şanoyê berhemên xwe pêşkêşkirin û beşdaran pêngava 15’ê tebaxê weke gava vejîna gelan û azadiyê bi nav kirin.

Têkildarî mijarê rêvebera tevgera ciwanên şoreşger a Herêma Firatê Hebûn Mihemed got ku em weke ciwan xwedî li pêngava 15’ê tebaxê derdikevin.