Rûspiyên Til Temir Û Saziyên Sivîl Êrîşên Dewleta Tirk Şermezar Kirin
Rûspiyên navçeya Til Temirê û Endamên saziyên sivîl bang li hikûmeta Şamê û Moskovê kir ku helwesta xwe li hember êrişên domdar ên dewleta Tirk ên li dijî herêmê, zelal bikin.
Rûspiyên eşîrên navçeya Til Temir, endamên saziyên sivîl ên navçeyê tevî şêniyên herêmê li pêşiya baregeha Rûsya ya li ser rêya Zirganê, çalakiyeke şermezarkirinê li dar xist.
Di çalakiyê de daxuyaniyek hate dayîn û tê de hate gotin : “Em pêkhateyên Bakur û Rojhilatê Sûriyê careke din piştrast dikin ku em perçeyek ji axa Sûriye ne , ji destpêka şoreşê ve li herêmên me ewlehî û aramî heye, lê ev yek li xweşiya dijminên herêmê wek dewleta Tirk û çeteyên wê nayê.”
Rûspiyên navçeya Til Temirê û Endamên saziyên sivîl bang li civaka navdewletî kirin ku li hember gefên dewleta Tirk ên li ser herêmê, raweste.