Li Hesekê Şahiya Newroza Zarokan Hate Lidarxistin

Bi diruşma “Bi lehengiya Egîdan wê zarokên me azad bijîn”, li kantona Hesekê şahî ji zarokan re hatin lidarxistin.

Tevgera Hîlala Zêrîn û navneda çand û hunerê ya bajarê hesekê bi hevkariya komîteya çand û huner şahiya newrozê ji zarokan re li dar xistin.

Şahî li hola Selam a bajarê Hesekê, hate li dar xisitn , Bi sedan zarok û malbatên wan bi cilên folklorî, beşdarî şahiyê bûn.

Di şahiyê de Komên hunerî yên pêkhateyên Kurd, Ereb û Ermen jî beşdar bûn û stran, dîlan û şano pêşkêş kirin, helbest hatin xwendin û pêşbirekek hate lidarxistin.