LI QAMIŞLO JI BO AZADIYA RÊBER APO ÇALAKIYEKE HUNERÎ HAT LIDARXISTIN

Li Parka Azadî ya bajarê Qamişlo di çarçoveya kampanyaya ji bo azadiya fîzîkî ya Rêber Abdullah Ocalan de çalakiyeke hunerî hat lidarxistin.

Çalakî bi diruşmeya “Em ê ji afirîneriya hunerî jiyana komunal ava bikin û li Kurdistana azad em ê Rêber Abdullah Ocalan hembêz bikin”, hat lidarxistin.

Bi dehan şênî, nûnerên ji saziyên sivîl û leşkerî beşdarî çalakiyê bûn.

Di çalakiyê de hevserokê TEV- ÇAND’ê Xelîl Tehlo axivî û got, banga Rêber Apo ne tenê ji bo pêkhateya Kurd e, lê tevahî pêkhateyên civaka demokratîk di nava xwe de dihewîne.

Piştre komên hunerî derketin ser dikeyê û berhemên xwe yên şoreşgerî pêşkêş kirin.