CENAZEYÊ ŞEHÎD BERXWEDAN EFRÎN BI MERASÎMEKÊ LI QAMIŞLO HAT OXIRKIRIN

Bi sedan xelkên bajarê Qamişlo bi merasîmekê cenazeyê şehîd Berxwedan Efrîn li goristana Şehîd Delîl Saroxan oxir kirin.
Şêniyên Qamişlo, endamên saziyên sivîl û partiyên siyasî û leşkerî li goristanê kom bûn û tevlî merasîmê bûn.
Di merasîmê de piştî deqeyeke rêzgirtin, axaftin ji aliyê Meclisa Malbatên Şehîdan, Hêzên Rizgariya Efrînê û Kongra Islama Demokratîk ve hate kirin.
Axêveran sersaxî ji malbata şehîd re xwestin û diyar kirin ku bi keda şehîdan berxwedana li Bendava Tişrînê bi ser ket.
Piştî axaftinan, nasnameya şehîd hate xwendin û radestî malbatê hate kirin.
Cenazeyê şehîd di nava tilîliyên dayikan de spartin axê.