KONFERANSA YEKRÊZÎ Û YEKHELWESTA KURDÎ JI BO TEVAHÎ GELÊ SÛRIYÊ BÛ HÊVÎ

Endamê Meclîsa Rûsipiyan a Bakurê Rojhilatê Sûriyê û Serokê Meclîsa Eşîra El-Tey Şêx Hesen Ferhan Ebdulrehman El-Taîî tekez kir ku ew ji bo Konferansa Yekrêzî û Yekhelwesta Kurdî li Rojava kêfxweşin.

Her wiha got: ji bo pêşeroja sûriya nû pêwîste rêkeftin û hevdîtinên di navbera hemû pêkhateyên sûriyê de jî werin li dar xistin.

26’ê Nîsanê Konferansa Yekrêzî û Yekhelwesta Kurdî li Rojava, li bajarê Qamişlo hate lidarxistin.

Ev konferans ji bo tevahî gelê kurd li welat û dervayî welat bû cihê hêvî û serdemeke nû.

Endamê Meclîsa Rûsipiyan a Bakurê Rojhilatê Sûriyê û Serokê Meclîsa Eşîra El-Tey Şêx Hesen Ferhan Ebdulrehman El-Taîî tekez kir ku ew wek şêxên eşîran û civakek eşîrî bi konferansa yekrêziya kurdî gelek kêfxweşin.

Hesen Ferhan anî ziman ku konferansa kurdî ji bo pêkhateyên ereb mînak e ku pêwîste ji bo pêşeroja tevahî sûriyê gavên ber bi başbûn û wekheviyê ve were avêtin.

ji encamnameyên Konferansa Yekrêzî û Yekhelwesta Kurdî li Rojava tekezî li ser avakirina şandeyeke ku danûstandinan ligel desthilata Şamê bike, hate kirin.