BEŞA SÊYEMÎN A KOÇBERÊN DI KAMPA EL ERÎŞA DE VEDIGERIYAN HERÊMÊN XWE

Beşa sêyemîn a koçberên di kampa El Erîşa ya li başûrê bajarê Hesekê de vegeriyan herêmên xwe yên li Dêrezorê.
Pêngava vegerandina koçberan di çarçoveya bernameya vegera dilxwazî de pêk tê.
Rêveberiya kampa El Erîşa , îro beşa sêyemîn a koçberên ku bi dilxwazî ​​vedigerin herêmên xwe, ji kampê derxist.
Derketina koçberan bi serpereştiya Desteya KarûBarên Civakî û Xebatê, UN û di bin parastina Hêzên Ewlekariya Hundirîn de pêk hat.
Beşa sêyemîn ji 88 kesan ku piraniya wan şêniyên Dêrazorê ne pêk tê.
Kampa El Erîşa 25 kîlometreyan li başûrê bajarê Hesekê ye û yek ji kampên herî mezin ên Bakur û Rojhilatê Sûriyê ye.