AMADEKARIYÊN KONGRA NETEWÎ YA KURDÎ BIDAWÎ BÛNE
PERWÎN YÛSIF - HEVSEROKA PYD'Ê
Hevseroka partiya Yekîtiya Demokrat PYD’ê Perwîn yûsif derbarê lidarxistina kongra netewî ya kurdî ji Rojava TV re ragihand ku amadekariyên kongrê netewî yê kurdî bidawî bûne û tu pirsgirêk di nava partiyên siyasî de nema ne.
Ev demeke li Rojavayê Kurdistanê partiyên siyasî yên Kurdî xwe amade dikin ku kongreya netewî li dar bixin da ku yekîtiyeke kurdî li herêmê sazbikin û bi yek dengî mafê kurdan di sûriya nû de misoger bikin.
Hevseroka Partiya Yekîtiya Demokratîk PYD’ê Perwîn Yûsif taybet li gel Rojava TV ragihand ku amadekariyên lidarxistina kongrê netewî yê kurdî bidawî bûne û tu pirsgirêk jî di nava partiyên siyasî de nema ne.
Perwîn yûsif mijarên ku dê di kongrê de werin nîqaşkirin vegot û diyar kir ku, Kongra netewî ya kurdî dê destkeftiyên şoreşa 19’ê tîrmehê biparêze.
Her wiha Perwîn Yûsif got, yekkirina nêrînên partiyên kurdî li Rojava dê bandoreke erênî li tevahî aliyên kurdistanê bike.
Li gorî agahiyên ku hatine bidestxistin, partiyên siyasî li rojavayê kurdistanê reşnivîsa yekîtiya kurdî û daxwazên xwe amade kirin û dê di kongrê netewî yê kurdî de ragihînin.
Heman çavkanî aşkere kir ku dê kongr bi beşdariya zêdeyî 300 delegeyî beriya 20’ê nîsanê li qamişlo were lidarxistin.