FESTÎVALA 3’YEMÎN A MELODIYÊN PAYÎZÊ BI DAWÎ BÛ

Festîvala 3ˋyemîn a Melodiyên Payîzê bi awaz û strana koma “Yekpar” di roja xwe ya 3’an de bi dawî bû.

Navenda Yekpar a Çand û Hunerê di 20ˋê Mijdarê de li Navenda Mihemed Şêxo ya Çand û Hunerê ya Qamişlo Festîvala 3ˋyemîn a Melodiyên Payîzê li dar xist.

Festîval ji bo geşepêdana behreyên zarokan û pêşkêşkirina piştgiriya derûnî û civakî hat lidarxistin.

Di roja 3’emîn a festîvalê de şênî, endamên saziyên sivîl, Desteya Çandê ya Rêveberiya Xweseriya Demokratîk a kantona Cizîrê, hezvanên mûzîkê û çandê beşdar bûn.

Di roja dawî ya festîvalê de koma Yekpar stran pêşkêş kirin. Her wiha Rêveberiya Navenda Mihemed Şêxo ya Çand û Hunerê hat xelatkirin.