HERÊMÊN DI BIN DAGIRKERIYA TIRKIYÊ DE BÛNE NAVENDÊN KAOS Û SÛCAN

Hevserokê Tevgera Civaka Demokratîk TEV-DEM a Efrîn-Şehbayê Hesen Welo têkilarî sûcên dagirkeriyê yên li herêmên dagirkirî nexasim li Efrînê got, Efrîn bûye navenda tevlîhevî û perwerdekirina çeteyan.
Komên çete yên girêdayî dewleta Tirk a dagirker li Efrînê bi armanca talankirina herêmê û qirkirina gel, serî li hemû sûcên dermirovî didin.

Çeteyên Tirk rojane li Efrîna dagirkirî welatiyan direvînin, wan êşkence dikin û li ser destserkirina mal û milkên xelkê şer dikin.

Hevserokê Tevgera Civaka Demokratîk TEV-DEM a Efrîn-Şehbayê Hesen Welo têkilarî sûcên dagirkeriyê yên li herêmên dagirkirî nexasim li Efrînê got, Efrîn bûye navenda tevlîhevî û perwerdekirina çeteyan.
Her wiha Hesen Welo anî ziman ku dewleta tirk li gel sûcên xwe, ji bo berferehkirina dagirkeriya xwe rojane êrîş dike.
Di 18’ê adara 2018’an de dewleta tirk a dagirker bi rêya komên xwe yên çete Efrîn ku ji 366’an gund pêk tê dagir kir û bi hezaran xelkên Efrînê yên resen bi darê zorê da koçberkirin.

Efrîn ku bibû hemêzgehek ji tevahî xelkên Sûriyê re, îro bûye navendek ji dagirkeriyê re ku kiryarên xwe pêk bîne.