XELKÊN KOBANÊ ROJA CÎHANÎ YA PIŞTGIRIYA BERXWEDANA KOBANÊ BI ŞAHIYEKÊ PÎROZ KIRIN
Bi boneya roja cîhanî ya piştgiriya berxwedana kobanê ku beriya 10 salan hatibû destnîşankirin, şahiyek li kobanê hate lidarxistin.
Şahî bi beşdariya xelkên kantona firatê, nûnerên rêveberiya xweser, partiyên siyasî û tevgerên jin li qada şehîd egîd hate destpêkirin.
Di şahiyê de axavtin li ser navê Meclisa Rêveber a Kantona Firatê, rêveberiya xweser, kongra star û YPJ hatin kirin.
Di axavtinan de, berxwedana efsanewî ya kobanê hate silavkirin û hate gotin, Bi saya ramanên Rêber APO û bangewaziya rêbertî, Kobanê hate rizgarkirin.
Her di şahiyê de daxwaz hatin kirin ku çawa cîhanê piştgirî da berxwedana kobanê, êrîşên li dijî herêma bakur û rojhilatê sûriyê rawestînin.
Di dawiya şahiyê de komên Navenda Çand û Hunerê ya Baqî Xido û Hîlala Zêrîn berhemên hunerî pêşkêşkirin û dîlan hate gerandin.