ŞÊNIYÊN QAMIŞLO ŞERVANÊ QSD’Ê ŞEHÎD BÎLAL EL NÊFO OXIR KIRIN

Bi sedan şêniyên bajarê Qamişlo bi merasîmekê şervanê QSD`ê şehîd Bîlal El Nêfo li goristana şehîd Delîl Saroxan oxir kirin.

Di merasîmê de Dost, heval û malbata şehîd, endamên saziyên civaka sivîl, Partiyên siyasî (TEV-DEM) û Kongra Star beşdarî bûn.

Hevalên Şehîd Bîlal El Nêfo cenazeyê şehîd hildan ser milan û bi berzkirina slogana “Şehîd Namirin” derbasî goristanê kirin.

Di merasîmê de sersaxî ji malbata şehîd re hat xwestin û hat gotin ku hêzên leşkerî ji bo parastina destkeftiyên gel têkoşîna xwe didomînin.

Piştre wesîqeya şehadetê hat xwendin û radestî malbata şehîd hat kirin.

Şervanê Hêzên Sûriya Demokratîk (QSD) Şehîd Bîlal El Nêfo ku di encama êrîşa çeteyên hikumeta Şamê li Dêrazorê birîndar bûbû 14`ê Îlonê ji ber birîna xwe şehîd bû.