XELKÊN EFRÎN Û ŞEHBAYÊ CENAZEYÊ ŞEHÎD DILSOZ RACO BI MERASÎMEKÊ OXIR KIRIN

Xelkên kantona Efrîn û Şehbayê cenazeyê şervanê Hêzên Rizgariya Efrînê şehîd Dilsoz Raco bi merasîmekê oxir kirin.
Bi sedan koçberên Efrînê û xelkê Şehbayê cenazeyê şervanê (HRE) şehîd Dilsoz Raco li Goristana Şehîd Zozan Amanos a bajarokê Fafînê oxir kirin.

Di merasîmê de li ser navên Meclisa Malbatên şehîdan û Meclisa bajarokê Til Rifetê axaftin hatin kirin.

Axêveran sersaxî dan malbata şehîd gotin ku Tu carî dagirkerî nikare vîna gelê Kurd û gelê herêmê têk bibe.

Her wiha dayîk û Pismamê şehîd Dilsoz Raco jî diyar kirin, Soza ku şehîd Dilsoz daye, pêk anî. Bi erka xwe rabû û em bi wî ser bilind in.

Di dawiyê de wesîqeya şehîd hat xwendin û radestî malbatê hat kirin.

Şervanê Hêzên Rizgariya Efrînê Dilsoz Raco roja 29’ê Tîrmehê şehîd bû.