KONGRA STAR: DI ÊRÎŞA QAMIŞLO DE, XALIDE ŞERÎF Û KURÊ WÊ ŞEHÎD BÛN

Kongra Star derbarê êrişa dewleta Tirk a dagirker ku îro li Qamişlo pêk hat û di encamê de dayikek û ‎kurê wê şehîd bûn, daxuyaniyek da, êrîş şermezar kir û tekez kir ku ewê bi felsefeya jin jiyan azadî li ‎hember êrîşan têbikoşin. ‎ ‎
Daxuyanî bi beşdariya endamên kongra star li ber Navenda Mihemed Şêxo ya li qamişlo hate dayin.‎
Kongra star di daxuyaniya xwe de ragihand ku di êrişê de hevala wan Xalide Mihemed Şerif (45) û kurê ‎wê (Hejar Ednan Silêman) şehîd bûne û got: “Armanca êrişên dewleta Tirk qirkirin û têkbirina ‎destkeftiyên jinan e. ‎
Her di daxuyaniy] de diyar kir ku dayika Xalide yek ji pêşangên civakê bû û bi welatparêziya xwe dihat ‎nasîn.‎
Di dawiyê de kongra star tekez kir ku kes nikare îradeya jina azad têk bibe û ew ê li hemberî êrişan bi ‎felsefeya jin jiyan azadî heta dawiyê têbikoşin.”‎
Daxuyanî bi dirûşmeyên “Şehîd namirin”, “Jin jiyan azadî” bi dawî bû.‎