XEBATKARÊ JIN TV ŞEHÎD NECMEDÎN SÎNAN BI MERASÎMEKÊ HATE BIBÎRANÎN

Xebatkarê Jin TV Necmedîn Sînan di salvegera yekemîn a şehadeta xwe de, li ser gora xwe ya li goristana Şehîd Îsmaîl ya li bajarê Amûdê hate bibîranîn.
Merasîma bîranînê bi beşdariya malbata şehîd, hevrêyên wî û xebatkarên çapemeniya azad hate lidarxistin.
Hevrêyên şehîd kulîlk danîn ser gorê û merasîmê bi xulekeke rêzgirtinê dest pê kir.
Piştre li ser navê Jin Production axaftin hate kirin û şehîd Necmedîn hate bibîranîn.
Her wiha hate gotin, armanca êrîşê tarîkirina dengê heqîqetê bû, lê planên wan têk çûn.
Hevrêyên Şehîd Necmedîn Sînan di salvegera şehadeta wî de, soza şopandina doz û rêka wî dan.