COTKARÊN AMÛDÊ GENIMÊ XWE RADESTÎ NAVENDA DEXLÛDAN A AMÛDÊ DIKIN

Piştî ku Rêveberiya Xweser Amadebûna xwe ji bo wergirtina genim aşkere kir, Depoyên Genim a Amûdê dest bi wergirtina genim ji cotkaran kir

Navenda Dexlûdana Amûdê diyar kir ku ew ê 12 hezar tonên genim di depoyên Amûdê de bi cih bike

Ji serê sibehê ve cotkarên bajarê Amûdê û gundewarên wê dest bi gihandina genimê xwe ji bo kompanyaya geşepêdana çandiniyê ya Amûdê kirine.

Bi dehan kamyonên dagirtî li ber navenda wergirtina genim rêz bûn û pêl bi pêl barên xwe vala kirin

Derbarê rêbaz û çawaniya wergirtina genim ji cotkaran rêveberê Navenda Amûdê ya genim ji Rojava TV re axivî û hin hurgulî aşkere kirin.

Ehmed Ebdulrehman da zanîn ku beşdarbûna cotkaran ji bo radestkirina genimê xwe di asteke baş de ye û heya niha gazinc tune ne.

Li bajarê Amûdê du navendên serekê yên wergirtina berhema genim hene û her navendek jî pênc navendên şaxî li xwe digire

Navenda Amûdê ji 29ê vê mehê ve dest bi wergirtina berhemên genim ji cotkaran kiriye.