JI BER ÊRÎŞÊN DAGIRKERIYÊ COTKARÊN EFRÎN Û ŞEHBAYÊ ZÛ DEST BI MÛSIMA ÇINÎNÊ KIRIN

bi hatina mûsimê çandiniyê li herêmê cotkarênkantona Efrîn û Şehbayê çinîna berhemên xwecihî ji ber metirsiya êrîşên dagirkeriyê zû destpêkirin.

Cotkarên Efrînî gotin ku îsal demsala çinînê baş e, lê dewleta Tirk a dagirker rê nade ku ew zeviyên xwe biçînin

Wekî her sal, li gund û bajarokên kantona Efrîn û Şehbayê mûsima çinîna berhemên xwecihî yên Ceh û genim dest pê kir.

lê îsal ji salên bûrî cudatir e. îsal li kantonê çinîna berheman zû destpêkir, sedem jî êrîşên hovane yên dewleta Tirk a dagirker û çeteyên wê ne.

Kamera Rojava nêrîna cotkarên gundê Tel Şaîrê derbarê Misim û êrîşên dagirkeriyê yên ku nahêlin cotkar bi rehetî mûsimê xwe biçînin, girt.

Cotkarên Efrînî gotin ku îsal demsala çinînê baş e, lê dewleta Tirk a dagirker rê nade ku ew zeviyên xwe biçînin.

cotkaran dan xuyakirin ku Hin gund hene ew nikarin berhemên xwe lê biçînin, ji ber ku nêzîkî sînor in û rojane dibin şahidê bombebarana dagirkeriyê.

Çend sal bi berdewan dewleta Tirk a dagirker û çeteyên wê, nahêlin ku cotkarên herêmê berhemên xwe bi rehetî biçînin, ji ber ku agir bera zaviyan didin û şerê welatiyan bi debara jiyana wan dikin.