Kanala ROJAVA TV

XWENDEKARÊN ZANÎNGEHA KOBANÊ BI ZIMANÊ DAYIKÊ HÎNÎ ZANÎNÊ DIBIN

Şoreşa 19 Tîrmehê ya ku weke şoreşa jinê tê nasîn, li kêleka wê weke şoreşa ziman jî deng vedaye û ji bo azadiya ziman û çandan bû gaveke giring û avaker.

Bi destpêkirina şoreşa rojavayê kurdisanê re gavên pîroz yên weke vekirina dibistanên kurdî, akademî û zanîngehan hatin avêtin.

Bi boneya 15ê Gulanê Roja Zimanê Kurdî rêveber û xwendekarên Zanîngeha Kobanê ji Rojava TV re nêrînên xwe anîn ziman û gotin bi destpêkirina şoreşa 19ê tîrmehê re şoreşa ziman jî hat destpêkirin.

Li aliyekî din jî xwendekarên Zanîngeha Kobanê kêfxweşiya xwe anîn ziman û gotin ku şoreşa Rojava şoreşa ziman di hundirê xwe de ava kir.

Her çendî qedexe û astengiyên li pêşiya zimanê kurdî hene jî, lê rewşenbîr û dezgehên Kurdî ji bo parastina û serwerkirina ziman, di nava hewldanan de ne.

zimanzanên kurd îro hewl didin li ser riya zimanzanên kurd yên mîna Mîr Celadet Bedirxan û Osman Serbrî bimeşin û zimanê kurdî bi pêşbixin û xwedî lê derkevin.