Kanala ROJAVA TV

PARTIYA YEKÎTIYA SURYANÎ KONGIRA XWE YA 4’AN LI DARXIST

Partiya Yekitîya Suriyan Kongra xwe ya 4’emîn li bajarê Qamişlo li darxist.
Di kongirê de hate diyar kirin ku divê hemû aliyên sûrî bicivin û çareseriyeke siyasî ji bo Sûriyê bibînin.

Di bin dirûşmeya “Yekitiya gelê me mîsogeriya bidestxistina mafên me yên neteweyî ye , Partiya Yekitîya Suriyan li Qamişlo Kongra xwe ya 4’emîn li darxist.

Kongir li hola Zana û bi beşdarbûna Nûnerên Rêveberiya Xweser, TEV-DEM, MSD, partiyên siyasî û Hevserok û endamên partiyê hate lidarxistin .

Hevseroka Partiyê Nezîra Gewriyê di axaftina xwe ya di kongiryê de diyar kir ku wê tekoşînê ji bo avakirina Sûriyeke demokratîk, pirrengî û ne navendî bidomînin.

Ji aliyê xwe ve endamê desteya cîbicîkar a partiya yekîtiya Suryan Gabriyêl Şemûn diyar kir ku divê hemû aliyên sûrî bi hev re çareseriyeke siyasî ji bo Sûriyê bibînin.

Kongre bi hilbijartina hevserokatiya nû û meclisa giştî ya partiyê û biryaran bi dawî bû .