Kanala ROJAVA TV

ŞÊNIYÊN KANTONA MINBICÊ JI BO AZADIYA FÎZÎKÎ YA RÊBER APO DAKETIN QADAN

Şêniyên kantona Minbicê bi xwepêşandaneke girseyî daxwaza azadiya fîzîkî ya Rêber APO kirin.
Xwepêşandêran gotin, heta pêkanîna azadiya fîzîkî ya Rêber APO ew ê li ber xwe bidin.

Şêniyên kantona Minbicê bi xwepêşandaneke girseyî tecrîda li dijî Rêber APO şermezar kirin û daxwaza azadiya fîzîkî ya Rêber APO kirin.

Xwepêşandana girseyî ji çerxerêya Sîvanê dest pê kir û li çerxerêya El- Meseb veguherî mitîngê.

Xwepêşandêran bê navber dirûşmeyên Bê Serok Jiyan Nabe, Em bi te re ne ey serok berz kirin.

Di xwepêşandanê de axaftin hatin kirin û tekezî li ser mezinkirina asta têkoşînê hate kirin.

Xwepêşandêran diyar kirin ku, çiqas dewleta Tirk tecrîdê û êrîşan giran bike, dê nikaribe vîna wan bişkîne.

Xwepêşandana girseyî ya li kantona Minbicê bi silavkirina Berxwedana Îmraliyê û berzkirina siloganên em ê bi berxwedan û têkoşînê tecrîdê bişkînin, bi dawî bû.