PROSEYA JINÛVE AVAKIRINA KANTONA REQAYÊ GEŞTIR DIBE

Piştî rizgarkirina bajarê Reqayê di sala 2017’an de proseya jinûve avakirina bajêr dest pê kir.
Welatiyên kantona Reqayê diyar dikin ku şaredariya gel rêyên wan çaksaz dike û projeyên xizmetguzariyê yên giring pêk tîne.

Piştî rizgarkirina kantona Reqayê di sala 2017’an de, proseya jinûve avakirina tax û dezgehên wêranbûyî yên bajêr dest pê kir.

Rêveberiya Sivîl a kantona Reqayê û gundewarên wê li gor derfetên xwe yên berdest û sînordar xebatên geşkirina bajêr didomîne.

Welatiyên bajarê Reqayê diyar dikin ku şaredariya bajêr rêyên wan çaksaz dike û dîdarên bajêr ciwantir dike.

Her wiha welatiyan da zanîn ku hêviya wan herdem ew e ku welatê wan geş û aram bimîne.

Şaredariya gel a Reqayê jî ruxsetan pêşkêşî welatiyan dike û di avedankirina bajêr de bi xelkê re dibe alîkar.