LI REQAYÊ XWENDEKARÊN XWEDÎ PÊDIVIYÊN TAYBET EZMÛNAN PÊŞKÊŞ DIKIN

Navenda Şehîd Beşîr Feysel ya kesên xwedî pêdiviyên taybet ji bo nirxandina asta xwendekaran, dest bi ezmûnan kiriye.

Di Navenda Şehîd Beşîr Feysel El-Huweydî de ya girêdayî Meclisa sivîl a Rqeqayê , derdora 400 xwendekarên xwedî pêdiviyên taybet dixwînin.

Hevserokê Navendê Îsa El-Şêx destnîşan kir ku encamên ezmûnan pir baş in û pêşketineke berbiçav di asta xwendekaran de çêbûye.

Îsa El-Şêx got, pêşkeftina akademîk a xwendekaran dê di pêşerojê de alîkariya wan bike ku bi endamên civakê re bibin yek.

Hêjayî gotinê ye ku dê ezmûn hefteyekê bidomin, piştre dê betlane dest pê bike û xwendekarên serkeftî werin xelatkirin.