XELKÊN LI REQAYÊ BI MEŞEKE GIRSEYÎ BANGA AZADIYA FÎZÎKÎ YA RÊBER APO KIRIN

Meşa Ciwanan ku doh li Kantona Tebqayê bi armanca şermezarkirina komployê dest pê kiribû, îro li Kantona Reqayê bi dawî bû.

Meş bi beşdariya bi hezaran ciwanên kantona Tebqa, Reqa û Minbicê hat lidarxistin.

Meşvanan 50’î kîlo metre ber bi Reqayê ve meşiyan, pankart û wêneyên Rêbertî hilgirtin û dirûşmeyên “em ê azadiya fîzîkî ya Rêber APO misoger bikin” berz kirin.

Piştî ku meşa ji Tebqayê gihêşt Reqayê, li wir bi beşdariya kesayetên siyasî, sivîl û leşkerî û nûnerên rêxistinên civaka sivîl û saziyên jinan, meşa girseyî li dar ket.

Meşa girseyî ji qada Jina Azad dest pêkir û li çerxerêya El neyîm veguherî mîtîngê

Di mîtîngê de hat tekezkirin ku, heta Rêber APO bi awayekî fîzîkî azad nebe, dê têkoşîn û berxwedana gel berdewam be.