HÊZÊN EWLEKARIYÊ DI OPARASYONA LI REQAYÊ DE 82 KESÊN GIRTIN

Hêzên Ewlekariya Hundrîn bi daxuyaniyekê da zanîn ku, di oparasyona li Reqayê de, 82 kesên ku tevlîhevî li herêmê belav dikirin, hatin girtin.

Hêzên Ewlekariya Hundrîn a Bakur û Rojhilatê Sûriyê derbarê encamên Oparasyona Ewlehiyê ya berfireh a ku bi hevkariya Hêzên QSD’ê û Yekîneyên Parastina Jin YPJ’ê li bajaroka El-Hemrat a rojhilatê Kantona Reqayê dane destpêkirin, daxuyaniyek parve kir.

Daxuyaniyê tekez kir ku di operasyonê de 82 kesên ku tevlîhevî li herêmê belav dikirin hatin girtin, û hejmarek çek û cebilxane yên ku di destê wan de bûn, hatin desteserkirin.

Oparasyona Ewlehiyê, 29 ê Çileyê li ser daxwaza şêx û rûspiyên eşîran û di encama şerên ku di navbera eşîra El-Midlej û eşîra El-Cemase de qewimiye, dest pê kir.